Mərkəzi Bankın sədri "bir neçə bank bağlanacaq" iddialarına cavab verdi

"Mən fərziyələri şərh etmirəm. Əgər hansısa ekspert hansısa bankın bağlanacağını deyirsə, fakt göstərməli, iddiasını əsaslandırmalıdır".

Bunu keçirdiyi mətbuat konfransında Mərkəzi Bankın sədri Taleh Kazımov bəzi ekspertlərin "bir neçə bank bağlanacaq" açıqlamalarına münasibət bildirərkən deyib.

Taleh Kazımov bildirib ki, Mərkəzi Bankın əsas mandatı maliyyə sabitliyinin təmin edilmısidir: "Maliyyə sektoru sabit inkişaf etsin, iqtisadi artıma dəstəyi təmin etsin, həm də kreditorların hüquqları qorunsun"

O, əlavə edib ki, hansı maliyyə institutu maliyyə sabitliyinə xələl gətirirsə Mərkəzi Bank müvafiq tədbirlər görür: "İlk öncə onunla maarifləndirmə işləri aparırıq. Əgər hansısa bankın səhmdarı problemi həll edə bilmirsə, lisenziyanın ləğv edilməsi barədə qərar qəbul edilir. Hazırda ciddi problemi olan bank yoxdur. Maliyyə sektorumuz dayanıqlıdır. Hazırda biz maliyyə sektorunda ciddi risklər görmürük". 

Ən son xəbərlər Hilal.az saytında.

https://hilal.az/