Gürcüstanda sürüşmə zonasında 40 nəfər itkin düşüb

Gürcüstanın Oni şəhərində sürüşmə zonasından iki nəfərin meyiti tapılıb.

Bu barədə  Gürcüstan Daxili İşlər Nazirliyi məlumat yayıb.

Fəlakət zonasına helikopterlər cəlb edilib, 80 nəfərin təxliyə edildiyi bildirilir. Gecə uçuşlar dayandırılsa da, səhər saatlarından bərpa edilib. Əraziyə əlavə 15 axtarış-xilasetmə qrupu cəlb edilib. Oni bələdiyyəsinin Qlola kəndi yaxınlığında fövqəladə hallar xidmətinin mobil qərargahı yaradılıb.

Hadisə ilə əlaqədar Gürcüstanın Baş naziri İrakli Qaribaşvili təbii fəlakət zonasına yola düşüb.

Gürcüstanın regional inkişaf və infrastruktur naziri İrakli Karseladze vəziyyətin mürəkkəb, fəlakətin miqyasının geniş olduğunu deyib. 40-dan çox şəxslə əlaqə yaratmaq mümkün olmayıb. 

Ən son xəbərlər Hilal.az saytında.

https://hilal.az/