"Gənc yazarlara dəstək” layihəsinə start verilir

Hilal.az informasiya portalı Azərbaycan ədəbiyyatında, eləcə də gənclərdə stimul yaratmaq üçün "Gənc yazarlara dəstək” layihəsinə start verir.

Gənc yazar Rəhimova Nigar Rövşən qızının rəhbəri olduğu bu layihə 16-35 yaş aralığında şəxsləri əhatə edəcək. Lahiyənin məqsədinə uyğun olaraq kiçik oxucu kütləsinə malik, yaxud heç tanınmayan həvəskar müəlliflərə üstünlük veriləcək.

İştirak etmək istəyən gənclər öz yazılarını qeyd edilən ünvana göndərməlidirlər. Seçilən şəxslərin hər biriylə kiçik tanışlıq müsahibəsi aparılacaq, ən yaxşı mətn nümunələrindən biri (poeziya nümunəsidirsə bir neçəsi ola bilər) saytda yayımlanacaq.

Göndərilən materiallar Azərbaycan hərfləri ilə, bütün orfoqrafik və qrammatik qaydalara riayət etmək şərtilə yazılmalı və hər hansı dini, irqi, siyasi, radikal fikirləri ehtiva etməməlidir

Lahiyə ilə maraqlanan gənc şair və yazıçılar öz əsərlərini qısa tərcümeyi-halla birlikdə [email protected] ünvanına, yaxud 055 698-98-11 whatsapp nömrəsinə göndərə bilərlər.

Qeyd edək ki, lahiyənin növbəti mərhələsində toplanan ən yaxşı mətnlərdən ibarət kitabın çapı planlaşdırılır.

P.S.  “Hilal.az” mətnlərin redaktə, yayım və çap hüququnu özündə saxlayır.